Volunteerbanner-Cym

 

Beth amwirfoddoli yn un o leoliadau poblogaidd Caerdydd?

 

Oes gennych chi ddiddordeb mewn gwirfoddoli?
Ydych chi am fagu profiad mewn rôl sy'n canolbwyntio ar gwsmeriaid?
Oes gennych chi amser rhydd i ddod yn Wirfoddolwr Blaen y Tŷ?

Mae cyfle i bobl sydd wrth eu bodd â byd y theatr a cherddoriaeth gael blas ar waith yn y maes drwy gynllun newydd sy'n annog gwirfoddolwyr i chwarae rhan weithredol ym myd y celfyddydau yng Nghaerdydd.

Gofynnir i bawb sy'n cymryd rhan gytuno i wirfoddoli am o leiaf chwe mis, gan weithio 3-5 o shifftiau bob mis yn y New Theatre.

Yn gyfnewid, byddant yn cael eu hyfforddi fel gwirfoddolwyr blaen y tŷ, gan eu galluogi i fagu profiad o wasanaethau cwsmeriaid ac iechyd a diogelwch a chael cyfle i fanteisio ar gynigion a thocynnau arbennig hefyd.  Gan fod perfformiadau hwyr yn y ddau leoliad, gofynnir i wirfoddolwyr fod dros 18 oed.

Mae pecynnau ymgeisio a rhagor o wybodaeth ar gael i'w lawrlwytho nawr.  Cliciwch yma

Y dyddiad cau ar gyfer ceisiadau yw 14 Hydref 2016 a bwriedir cynnal cyfweliadau a chynnig cyfle i siarad â'r rheolwyr am y cynllun yn ystod yr wythnos ganlynol.

Bydd sesiynau hyfforddiant cynhwysfawr ar gyfer ymgeiswyr llwyddiannus yn cael eu cynnal ar 31 Hydref 2016 a bydd yn orfodol i wirfoddolwyr newydd fynychu'r sesiynau hyn.