Gwybodaeth am docynnau rhatach i ymwelwyr anabl:
Mae'r New Theatre yn cynnig gostyngiad i ymwelwyr anabl ar y
rhan fwyaf o docynnau yn y rhan fwyaf o berfformiadau. Rhestrir y
gostyngiadau hyn ar dudalennau'r sioeau ar y wefan hon. Yn ogystal
â hyn, gall defnyddwyr cadair olwyn brynu eu dewis o docynnau am y
pris a hysbysebir ar gyfer y Cylch Uchaf. Am resymau technegol
mae'n rhaid prynu llefydd cadair olwyn dros y ffôn neu yn bersonol
ac nid ydynt ar gael ar-lein.
Mae gan bob person anabl sy'n mynychu'r New Theatre, ac sy'n
gymwys i gael tocyn rhatach, hawl i brynu un sedd ychwanegol am yr
un pris rhatach ar gyfer un cymar. Wrth brynu eich tocynnau gan y
swyddfa docynnau, gofynnwch am y tocyn pris rhatach ychwanegol i'ch
cymar. Neu os ydych chi'n prynu tocynnau ar-lein, dewiswch sedd
ychwanegol ar gyfradd is person anabl ar gyfer eich cymar.
Cynllun tocynnau rhatach ac am ddim i Gynorthwywyr Personol
(cynhalwyr)
Mae'r New Theatre yn deall y bydd rhai ymwelwyr anabl angen
cymorth ychwanegol wrth ddod i'r theatr. Rydym felly'n falch o
gynnig seddi am ddim neu seddi rhatach i Gynorthwywyr Personol
(cynhalwyr) er mwyn i bobl anabl allu dod i'r theatr. Os oes
gennych chi unrhyw sylwadau am y cynllun, cysylltwch â ni trwy'r
dulliau a nodir ar y dde.
Rydym yn cynnig tocyn am ddim i Gynorthwyydd Personol
(cynhaliwr) sy'n dod i'r theatr gyda pherson anabl sy'n derbyn
cyfradd uwch elfen ofal y Lwfans Byw i'r Anabl, cyfradd uwch y
Lwfans Gweini neu sydd â Thystysgrif Nam ar y Golwg.
Rydym yn cynnig gostyngiad o 30% i Gynorthwyydd Personol
(cynhaliwr) sy'n dod i'r theatr gyda pherson anabl sy'n derbyn
cyfradd ganol elfen ofal y Lwfans Byw i'r Anabl.
Os ydych chi'n berson anabl cymwys na fyddai'n gallu dod i'r New
Theatr heb eich Cynorthwyydd Personol (cynhaliwr), lawrlwythwch
ffurflen gais 1 (ar y dde).
Os ydych chi'n Gynorthwyydd Personol (cynhaliwr) sy'n dod i'r
New Theatr er mwyn hwyluso ymweliad person anabl cymwys, gallwch
wneud cais am docyn am ddim i chi'ch hun trwy lawrlwytho ffurflen 2
(ar y dde).
Yn olaf, os ydych chi'n grŵp o bobl anabl sydd angen
Cynorthwywyr Personol (cynhalwyr) wrth ymweld â'r New Theatre,
lawrlwythwch ffurflen 3.