New Theatre

Talu

• Gellir talu gydag arian parod neu siec, yn daladwy i Gyngor Caerdydd. Caniatewch amser i'ch siec glirio cyn derbyn eich tocynnau.
• Rydym yn croesawu taliadau gyda Mastercard, Visa a Maestro, gyda dyddiad i ben y cerdyn a chyfeiriad perchennog y cerdyn.
• Mae croeso i Dalebau Theatr yma ac mewn 150 o lefydd eraill yn y DU. Prynwch rai yn y Swyddfa Docynnau.
• Mae'n Cynllun Talu Gohiriedig yn hynod boblogaidd. Mae'n caniatáu i chi brynu'r holl docynnau sydd eu hangen arnoch tra bod dewis da o seddau o bob pris yn dal ar gael. Gwneir taliadau mewn pedwar cyfrandaliad. Dylai cyfanswm eich archeb fod yn £75.00 o leiaf.
• Lle'n briodol mae'r prisiau'n cynnwys taw o 20%. Gall prisiau newid yn unol â newidiadau i'r gyfradd safonol.

Cyfraniad at Wella'r Seddi

• Er mwyn helpu i dalu am seddi newydd yn y Cylch Uchaf, byddwn yn codi tâl ychwanegol o 50c fel Cyfraniad at Wella'r Seddi o 1 Chwefror 2011 ymlaen. Byddwn yn dileu'r ffi hwn ar ôl codi digon o arian. Mwy o fanylion yma.

Gostyngiadau

• Mae gostyngiadau ar gael yn aml. Mae manylion ar baneli prisiau pob sioe.
• Holwch am ostyngiadau wrth i chi brynu'ch tocynnau gan na allwn eu rhoi i chi wedyn.
• Ceidw'r New Theatre yr hawl i newid neu atal unrhyw ostyngiadau neu gynigion arbennig heb rybudd.

Gostyngiadau i Blant

• Gan fod GOSTYNGIADAU I BLANT yn cael eu cynnig i bobl ifanc o unrhyw oed os ydynt yn dal i fod yn yr ysgol, ni ddylid tybio o'r herwydd bod y sioe yn addas ar gyfer pob oed. Gofynnwch am gyngor y Swyddfa Docynnau cyn archebu.

Ad-daliadau a Newid Tocynnau

• Mae'r New Theatre yn ddiolchgar i'r rhai hynny sy'n archebu'n gynnar ac yn deall bod argyfwng weithiau yn atal pobl rhag mynychu.
• Gellir cyfnewid tocynnau ar gyfer diwrnodau eraill am yr un pris (neu bris uwch wrth dalu'r gwahaniaeth). Rhaid i'r Swyddfa Docynnau dderbyn y tocynnau hyn yn ôl o leiaf 48 awr cyn y perfformiad gwreiddiol. Codir tâl o £1 y tocyn (hyd at uchafswm o £5) am y gwasanaeth hwn.
• Mae'n bosibl hefyd cynnig tocynnau i'w hailwerthu, ond bydd holl docynnau'r theatr ei hun yn cael eu gwerthu yn gyntaf ac na ellir sicrhau y bydd tocynnau'n cael eu hailwerthu. 
• Ni allwn ailwerthu tocynnau os na fydd y tocynnau gwreiddiol wedi cael eu dychwelyd i'r Swyddfa Docynnau yn gyntaf. Cedwir gwerth 10% o werth unrhyw ailwerthiant am y gwasanaeth hwn.
• Heblaw am y ddau wasanaeth hwn neu fod perfformiad yn cael ei ganslo, ni wneir ad-daliad ar ôl i'r tocynnau gael eu prynu.

Tocynnau Wrth Gefn

• Ar gyfer y rhan fwyaf o sioeau ar nos Lun a nos Fawrth a Matinee ganol wythnos, gellir prynu tocynnau sydd heb eu gwerthu o 10am ar ddiwrnod y perfformiad gan bobl dros 60 oed a phobl anabl; o 6pm (12.30pm ar gyfer matinee) gan fyfyrwyr, pobl ddi-waith, hawlwyr a Deiliaid Cerdyn MAX.
• Un sedd i bob cais (ac un cydymaith i bobl anabl) am yr un pris â seddi'r Cylch Uchaf - archebu drwy'r Swyddfa Docynnau'r New Theatre yn unig.
• Gall plant gael gostyngiad wrth gefn hefyd os ydynt yng nghwmni oedolyn cymwys.
• Efallai y gofynnir am brawf o statws y prynwr.
• Mae gan y New Theatre yr hawl i atal y Cynllun Wrth Gefn heb rybudd.

Y Cylch Uchaf

• Mae seddi'r Cylch Uchaf yn gyfyngedig o ran lle i goesau pobl oddeutu 6' neu dalach. Nid ydynt chwaith yn addas i bobl â phroblemau gyda'u cefn neu sy'n cael trafferth gyda grisiau.
• Siaradwch â staff y Swyddfa Docynnau i drafod seddi gwahanol.

Bocsys

• Mae bocsys yn drwyddedig i ddal hyd at 6 o bobl ond maent yn fwy cyffyrddus i 4.
• Fe'ch rhybuddir mai dim ond rhan o'r llwyfan welwch chi o'r ochr weithiau.